வங்கியியல் சட்டம் (சர்ஃபாஸி சட்டம் மற்றும் தகவல் தொழில்நுட்பச் சட்டத்துடன் வெளிவந்துள்ள புதிய பதிப்பு) - சிறந்த நூலுக்கான தமிழ்நாடு அரசின் விருது பெற்ற நூல்

தமிழ்நாடு அரசாங்கத்தின் சிறந்த நூலுக்கான பரிசை வென்றெடுத்த "வங்கியியல் சட்டம்" எனும் இந்த நூல் தற்போது புதுப்பொலிவுடன், முற்றிலும் சீராய்வு செய்யப்பட்ட வடிவில் வெற்றிகரமான 6-ஆம் பதிப்பில் வெளிவந்துள்ளது. இதில் வங்கியியல் தொடர்பாக அண்மைக்காலத்தில் கொண்டு வரப்பட்ட பல்வேறு சட்டங்களும், திருத்த சட்டங்களும், சட்டமுன் வடிவுகளும் விளக்கப்பட்டுள்ளன.

குறிப்பாக சர்ஃபாஸி எனப்படும் Securitisation and Reconstruction of Financial Assets and Enforcement of Security Interest Act, 2002 என்ற சட்டமும், ஐடி ஆக்ட் எனப்படும் Information Technology Act 2000 என்ற சட்டமும் வங்கியியலில் கொண்டு வந்திருக்கும் பல்வேறு மாற்றமான முன்னேற்றங்களை, எளிய சட்டத் தமிழ் மொழி நடைக்கு பெயர் பெற்ற சட்டத்தமிழாய்வு அறிஞர் வழக்குரைஞர் திரு ஜெயராஜன் ஐயா அவர்கள், தனக்கே உரிய பாணியில் தெளிவாக விளக்கியுள்ளார். குறிப்பாக தகவல் தொழில்நுட்ப சட்டத்தில் (1) ஜன் விஸ்வாஸ் (சட்ட வகைமுறைகளின் திருத்தம்) சட்டம், 2023 செய்த திருத்தங்கள் [Amendments by the Jan Vishwas (Amendment of Provisions) Act, 2023] மற்றும் (2) - எண்ணிமமுறை தனிநபர் தகவல்தரவு பாதுகாப்புச் சட்டம் 2023 செய்த திருத்தங்கள் [Amendments by the Digital Personal Data Protection Act, 2023] திருத்தங்கள் பற்றியும் கோடிட்டு விளக்கியுள்ளார்.

வங்கியியலை பொறுத்தவரை அண்மைக்கால மாற்றங்கள் மற்றும் சட்ட திட்டங்களுடன் சட்டத்தமிழில் வெளிவந்துள்ள முதல் நூல் என இதைக் குறிப்பிடுவதில் மிகையில்லை. அதை இப்பதிப்பின் பின்வரும் விரிவான பொருளடக்கத்தை கண்டாலே விளங்கும்.

வங்கியியல் சட்டம்